အကျင့်ပျက်လာဘ်စားနေသူများအရေးယူမှု အခြေအနေ နှင့်...နိုင်ငံခြား ရင်းနှီးမြှတ်နှံမှုတိုးတက်၊

အမျိုးသားရင်ကြားစေ့ရေးဟုဆိုကာ အကျင့်ပျက်လာဘ်စားနေသူများကို ထိထိရောက်ရောက် အရေးမယူနိုင်မှုများ မဖြစ်သင့်တော့ကြောင်း NLD ၏ အမျိုးသားလွှတ်တော်ကိုယ်စားလှယ် ဝေဖန်

အမျိုးသားရင်ကြားစေ့ရေးဟုဆိုကာ အကျင့်ပျက်လာဘ်စားနေသူများကို ထိထိရောက်ရောက် အရေးမယူနိုင်မှုများ မဖြစ်သင့်တော့ကြောင်း NLD ပါတီ၏ အမျိုးသားလွှတ်တော်ကိုယ်စားလှယ် ဦးရဲထွဋ်က The Daily Eleven သို့ ပြောကြားသည်။

“အမျိုးသားရင်ကြားစေ့ရေးဆိုတာ ရင်ကြားစေ့ရေး ပေါ်လစီကို မှန်မှန်ကန်ကန် ကိုင်တွယ်နိုင်ရမယ်။ ရင်ကြားစေ့ရေးဆိုပြီး လာဘ်စားနေတာတွေကို ထိထိရောက်ရောက် အရေးမယူနိုင်တာမျိုး မဖြစ်သင့်ဘူးလေ။ အစိုးရယန္တရားကိုလည်း ပြောင်းနိုင်ရမယ်။ ဒီမိုကရေစီကို မသွားနိုင်တဲ့သူတွေ။ ဒါတွေကို ပြောင်းနိုင်ရမယ်” ဟု ဦးရဲထွဋ်က ပြောကြားသည်။

လက်ရှိတွင် လာဘ်ပေးလာဘ်ယူသည့် ပုံစံများအနေဖြင့် လာဘ်မစားရဲသူက လာဘ်ယူမှုမရှိတော့သော်လည်း လာဘ်စားသူများက လုပ်ရကိုင်ရခက်ခဲသည်ဟုဆိုကာ ယခင်ထက် လာဘ်ငွေနှစ်ဆတောင်းခံသည့် တိတ်တဆိတ် လာဘ်ပေးလာဘ်ယူပုံစံသစ်နှင့် ကြုံတွေ့နေရသည်ဟု စီးပွားရေးလုပ်ငန်းရှင်များက တညီတညွတ်ပြောကြားသည်။အဂတိလိုက်စားမှုများကို တိုက်ဖျက်မည်ဟူသည့် ကြွေးကြော်သံဖြင့် အာဏာရလာခဲ့သည့် အမျိုးသားဒီမိုကရေစီအဖွဲ့ချုပ်အနေဖြင့် လက်ရှိအချိန်အထိ အဂတိလိုက်စားမှုများကို ထိထိရောက်ရောက် အရေးမယူနိုင်သည့်အပြင် လူနည်းစုသာဖြစ်သော အစိုးရအဖွဲ့အတွက်သာ အာမခံချက်ပေးထားနိုင်ပြီး ၀န်ထမ်း ၁၄ သိန်းကျော်အတွင်း ပြုပြင်ပြောင်းလဲမှုများ မလုပ်နိုင်သဖြင့် ဝေဖန်မှုများ တွေ့ကြုံနေသည်။ ထို့ပြင် ယခင်အစိုးရလက်ထက် သမ္မတသက်တမ်းအတိုင်းသာ သက်တမ်းရှိသည့် အဂတိလိုက်စားမှု တိုက်ဖျက်ရေးကော်မရှင်ကို အမျိုးသားဒီမိုကရေစီအဖွဲ့ချုပ်ပါတီ အာဏာရယူပြီး တစ်နှစ်ခွဲအချိန်အထိ ပြောင်းလဲဖွဲ့စည်းနိုင်ခြင်းမရှိသည့် အခြေအနေအပေါ် ဝေဖန်မှုများနှင့် ကြုံတွေ့နေရကြောင်း သိရသည်။

“မှန်တယ်။ စပြီးတော့ အရေးယူတတ်ဖို့၊ အရေးယူပြဖို့တော့လိုပြီ။ Rules of Law ဆိုတာလည်းရှိတယ်။ ဒီစကားကလည်း NLD ပါတီရွေးကောက်ပွဲမ၀င်ခင်က ပြောခဲ့တဲ့စကား။ လာဘ်ပေးလာဘ်ယူဆိုတာ လုံးဝကြီး ပျောက်ပျက်သွားဖို့မလွယ်ဘူး။ ဒါပေမဲ့ လျော့ကျသွားဖို့တော့လိုတယ်” ဟု NLD ပါတီ၏ စီးပွားရေးကော်မတီဝင် ဒေါက်တာ အောင်ကိုကိုက အကြံပြုသည်။

ထို့ပြင် ကြိုးနီစနစ်များ၊ တရားဥပဒေစိုးမိုးမှုမရှိသည့် နိုင်ငံများ၊ ဖွံ့ဖြိုးဆဲနိုင်ငံများတွင် ရင်ဆိုင်ရသည့် နိုင်ငံရေးသမားများက အစိုးရအရာရှိများနှင့် ပူးပေါင်းပြီး ကိုယ်ကျိုးစီးပွားရှာသည့် Rank-Seeking များနှင့် Profit-Seeking များ လျော့ပါးအောင် လုပ်ဆောင်နိုင်လေ ကောင်းမွန်သည့် အခြေအနေသို့ ရောက်ရှိလေဖြစ်ကြောင်း ဒေါက်တာအောင်ကိုကိုက ဆက်လက်ပြောကြားသည်။

နိုင်ငံတကာ ပွင့်လင်းမြင်သာမှုအဖွဲ့၏ ထုတ်ပြန်ချက်အရ မြန်မာနိုင်ငံ၏ အဂတိလိုက်စားမှုသည် အာဆီယံတွင် ဒုတိယအဆိုးဆုံးဖြစ်ပြီး မြန်မာနိုင်ငံအောက် ကမ္ဘောဒီးယားနိုင်ငံသာရှိသည့်အပြင် ကမ္ဘာ့နိုင်ငံပေါင်း ၁၇၆ နိုင်ငံတွင်လည်း အဆင့် ၁၃၆ တွင်သာ ရပ်တည်နေသည်။

လက်ရှိ အဂတိလိုက်စားမှု တိုက်ဖျက်ရေးကော်မရှင်သို့ စက်တင်ဘာလကုန်အထိ တိုင်ကြားစာ ၄၁၃၅ ကျော်ရောက်ရှိပြီး ရန်ကုန်နှင့် မန္တလေးတိုင်းဒေသကြီးတို့မှ အများဆုံးတိုင်ကြားခဲ့သော်လည်း စုံစမ်းစစ်ဆေးမှု ၅၅ စောင်သာရှိကြောင်း အဂတိလိုက်စားမှု တိုက်ဖျက်ရေးကော်မရှင်၏ ထုတ်ပြန်ချက်အရ သိရသည်။

ကော်မရှင်မှ လက်ခံရရှိသည့် တိုင်ကြားစာများတွင် ဌာနဆိုင်ရာကိစ္စ ၁၁၉၈ စောင်ဖြင့် အများဆုံးဖြစ်ပြီး မြေယာကိစ္စတိုင်ကြားစာ ၆၂၄ စောင်၊ စီမံခန့်ခွဲရေး/အုပ်ချုပ်ရေးဆိုင်ရာ လွဲမှားဆောင်ရွက်ခြင်း တိုင်ကြားစာ ၈၇၂ စောင်နှင့် တရားစီရင်ရေးနှင့် သက်ဆိုင်သည့် ကိစ္စတိုင်ကြားစာ ၆၁၁ စောင်ပါဝင်သည်။

အဆိုပါ တိုင်ကြားစာများအပေါ် အဂတိလိုက်စားမှု တိုက်ဖျက်ရေးကော်မရှင်၏ အရေးယူဆောင်ရွက်မှုမှာ စုံစမ်းစစ်ဆေးခြင်း ဆောင်ရွက်သည့် တိုင်ကြားစာ ၅၅ စောင်၊ သက်ဆိုင်ရာဝန်ကြီးဌာနနှင့် ပြည်နယ်/တိုင်းဒေသကြီး အစိုးရအဖွဲ့သို့ လွှဲပြောင်းပေးပို့သည့် တိုင်စာ ၁၀၂၅ စောင်၊ မှတ်တမ်းတွဲခြင်း ဆောင်ရွက်သည့်တိုင်စာ ၃၀၄၂ စောင်နှင့် စိစစ်ဆဲ ၁၃ စောင်တို့ဖြစ်ကြောင်း ကော်မရှင်က ထုတ်ပြန်ထားသည်။

အဂတိလိုက်စားမှုတိုက်ဖျက်ရေး ကော်မရှင်က စုံစမ်းစစ်ဆေးသည့် တိုင်ကြားစာ ၅၅ စောင်တွင် အရေးယူဆောင်ရွက်နိုင်ခဲ့သည့် တိုင်ကြားစာ ၄၂ စောင်ရှိပြီး ဥပဒေနှင့် ငြိစွန်းသည့် အထောက်အထား စစ်ဆေးပေါ်ပေါက်ခြင်းမရှိသည့် တိုင်ကြားစာခြောက်စောင်၊ အရေးယူဆောင်ရွက်ပြီးကိစ္စဖြစ်၍ ထပ်မံအရေးယူဆောင်ရွက်ခြင်းမရှိသည့် တိုင်ကြားစာနှစ်စောင်နှင့် စစ်ဆေးဆောင်ရွက်ဆဲ တိုင်ကြားစာ ငါးစောင်ပါဝင်ကြောင်း သိရသည်။

တိုင်းဒေသကြီးနှင့် ပြည်နယ်အလိုက် တိုင်ကြားမှုအရေအတွက်မှာ နေပြည်တော်မှ ၁၅၅ စောင်၊ ကချင်ပြည်နယ်မှ ၄၃ စောင်၊ ကယားပြည်နယ်မှ ခုနစ်စောင်၊ ကရင်ပြည်နယ်မှ ၅၁ စောင်၊ ချင်းပြည်နယ်မှ ၂၅ စောင်၊ စစ်ကိုင်းတိုင်းဒေသကြီးမှ ၄၁၄ စောင်၊ တနင်္သာရီတိုင်းဒေသကြီးမှ ၃၀၊ ပဲခူးတိုင်းဒေသကြီးမှ ၄၅၁ စောင်၊ မကွေးတိုင်းဒေသကြီးမှ ၁၆၀၊ မန္တလေးတိုင်းဒေသကြီးမှ ၇၄၁ စောင်၊ မွန်ပြည်နယ်မှ ၂၀၀၊ ရန်ကုန်တိုင်းဒေသကြီးမှ ၁၀၆၆ စောင်၊ ရခိုင်ပြည်နယ်မှ ၆၀၊ ရှမ်းပြည်နယ်မှ ၂၈၁ စောင်၊ ဧရာဝတီတိုင်းဒေသကြီးမှ ၄၅၁ စောင်ဖြစ်ကြောင်း သိရသည်။
.
.
.

MDCF အဖွဲ့ခေါင်းဆောင် ကိုထင်ကျော်၏ သမ္မတဟောင်း ဦးသိန်းစိန်အပါအ၀င် ၁၁ ဦးအား အရေးယူပေးရန် မြို့နယ်တရားရုံးသို့ ဦးတိုက်လျှောက်ထားမှု အမှုဖွင့်စစ်ဆေးရန် လုံလောက်သည့် အကြောင်းအချက်မရှိဟုဆိုကာ ပလပ်

MDCF (ဒီမိုကရေစီအရေး စဉ်ဆက်မပြတ်လှုပ်ရှားမှု အင်အားစု) အဖွဲ့ခေါင်းဆောင် ကိုထင်ကျော်၏ သမ္မတဟောင်း ဦးသိန်းစိန်အပါအ၀င် ၁၁ ဦးအား အရေးယူပေးရန် မြောက်ဥက္ကလာပမြို့နယ်တရားရုံးသို့ ဦးတိုက်လျှောက်ထားမှုကို အောက်တိုဘာ ၁၇ ရက်တွင် တရားရုံးကပလပ်ခဲ့ကြောင်း သိရသည်။

MDCF အဖွဲ့က သမ္မတဟောင်းနှင့် အစိုးရဟောင်းတာဝန်ရှိသူ ၁၁ ဦးအား တရားစွဲဆိုရန်အတွက် ၎င်းတို့တွင် ခိုင်မာသည့် အချက်အလက်များရှိသည်ဟုဆိုကာ ယခုလပထမပတ်အတွင်းမှစ၍ မြို့နယ်တရားရုံးနှင့် မြို့မစခန်းများသို့ အမှုဖွင့်တိုင်ကြားမှုများ ပြုလုပ်နေခြင်းဖြစ်ကြောင်း သိရသည်။

ထို့ပြင် မြောက်ဥက္ကလာပမြို့မ ရဲစခန်းကလည်း MDCF အဖွဲ့၏တိုင်ကြားမှုမှာ သက်ဆိုင်ရာတရားရုံးများမှ စစ်ဆေးစီရင် အမိန့်ချမှတ်ပြီးပြတ်ပြီးဖြစ်သဖြင့် အမှုအား စုံစမ်းထောက်လှမ်းရန် အကြောင်းမလုံလောက်သည့်အတွက် ရာဇ၀တ်ကျင့်ထုံးဥပဒေပုဒ် မ-၁၅၇ (၁)(ခ)အရ အမှုဖွင့်စစ်ဆေးရန် ငြင်းပယ်ကြောင်း အကြောင်းပြန်စာ ပေးပို့ထားကြောင်း သိရသည်။တရားရုံးသို့ ဦးတိုက်လျှောက်ထားမှုနှင့် ပတ်သက်၍ မြောက်ဥက္ကလာပမြို့နယ် တရားသူကြီး၏ အကြောင်းပြန်စာတွင် “ယခုလျှောက်ထားမှုပါ အကြောင်းအရာများသည် ကျန်တရားရုံးသို့ ဇန်န၀ါရီ ၁၁ ရက်က MDCF အဖွဲ့ခေါင်းဆောင်ကိုထင်ကျော်မှ ဦးသိန်းစိန်ပါ သုံးဦးအပေါ် လျှောက်ထားချက်ပါ အကြောင်းအရာများနှင့် ထပ်တူကျလျက်ရှိပြီး ယခင်လျှောက်ထားစဉ်က လျှောက်လွှာပါအချက်များမှာ သက်ဆိုင်ရာတရားရုံးမှ ပြစ်ဒဏ်အသီးသီး ကျခံနေရသည့် အကျဉ်းသားများမှ ပြောပြသည့်အချက်များအပေါ် အခြေပြုလျက် တရားစွဲဆိုခြင်းဖြစ်ကြောင်းနှင့် အမှုဖွင့်စစ်ဆေးရန် လုံလောက်သည့် အကြောင်းအချက်မရှိသဖြင့် တိုင်လျှောက်လွှာအား ပြန်ပေးခဲ့ပြီးဖြစ်သည်။ ဤလျှောက်လွှာမှာလည်း အဆိုပါအကြောင်းအရာကိုပင် ထပ်မံလျှောက်ထားခြင်းဖြစ်၍ ယခုလျှောက်လွှာအား ပြန်ပေးသည်” ဟုဖော်ပြပါရှိသည်။

“ဦးတိုက်လျှောက်ထားလို့မရဘူးဆိုရင် ကျင့် ၁၅၄ ကို ကျွန်တော်တို့ ပြန်ကျင့်သုံးရမယ်။ အဲဒီအတွက်ကို စခန်းမှာ ရာဇ၀တ်ကြောင်းနဲ့အမှုဖွင့်တယ်။ အဲဒီတော့ ပြီးခဲ့တဲ့ ၁၂ ရက်က မြောက်ဥက္ကလာပရဲစခန်းမှာ အမှုဖွင့်တယ်။ အဲဒီမှာဘာထူးခြားချက်ရှိလဲဆိုတော့ မနေ့ကနေ့လည် ၁ နာရီမှာ စခန်းမှူးကနေပြီးတော့ အထက်ကိုတင်ပြတဲ့ ရဲမှုခင်းဆိုင်ရာကို နံပါတ်ပေးတယ်။ အဲဒီနံပါတ်ကိုပေးပြီးတော့ မနေ့က ည ၉ နာရီမှာ အမှုကိုတိုင်လျှောက်ချက်ကို ငြင်းပယ်ကြောင်း စာလာပေးတယ်။ အဲဒီတော့ ဘာကြောင့်ငြင်းလဲ အကြောင်းပြချက်ပြဆိုတော့ ဒီဟာတွေက တရားရုံးက ဆုံးဖြတ်ပြီးသားဖြစ်တယ်။ ဘာတွေဆုံးဖြတ်ထားလဲ ကျွန်တော့်ကိုပြဆိုတော့ အတွင်းစာကတော့ဗျာ တရားရုံးက အမိန့်ချထားပြီးဖြစ်တော့ အမှုဖွင့်လို့မရဘူးလို့ဆိုတယ်” ဟု MDCF အဖွဲ့ခေါင်းဆောင် ကိုထင်ကျော်က အောက်တိုဘာ ၁၇ ရက်တွင် ပြောကြားသည်။

ထိုသို့လျှောက်ထားမှု ပယ်ချခံထားရသော်လည်း တရားစွဲဆိုခွင့်ရရှိရေးအတွက် အထက်သို့ အဆင့်ဆင့်တိုင်ကြားသွားမည်ဖြစ်ကြောင်း MDCF အဖွဲ့ခေါင်းဆောင် ကိုထင်ကျော်က ပြောကြားသည်။
.
.
.

၂၀၁၇-၂၀၁၈ ဘဏ္ဍာနှစ် ခြောက်လအတွင်း နိုင်ငံခြား ရင်းနှီးမြှုပ်နှံမှု ဒေါ်လာ ၄ ဒသမ ၃ ဘီလျံကျော် ၀င်ရောက်ထားပြီး ယခင်နှစ် ကာလတူထက် ဒေါ်လာ သုံးဘီလျံကျော် ပိုမိုဝင်ရောက် မြှုပ်နှံထား

သီလ၀ါ အထူးစီးပွားရေးဇုန်အတွင်း ရင်းနှီးမြှုပ်နှံထားသော လုပ်ငန်းတစ်ခုကို တွေ့ရစဉ် (ဓာတ်ပုံ-ကျော်ဇင်ဖြိုး)

၂၀၁၇-၂၀၁၈ ဘဏ္ဍာနှစ် ဧပြီ ၁ ရက်မှ စက်တင်ဘာအထိ ခြောက်လအတွင်း မြန်မာနိုင်ငံတွင်းသို့ နိုင်ငံခြား ရင်းနှီးမြှုပ်နှံမှု ပမာဏ ဒေါ်လာ ၄ ဒသမ ၃ ဘီလျံကျော် ၀င်ရောက်ထားကြောင်းနှင့် ယခင်နှစ် ကာလတူထက် ဒေါ်လာသုံးဘီလျံကျော် ပိုမိုဝင်ရောက် မြှုပ်နှံထားကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်မှ သိရသည်။

၂၀၁၇-၂၀၁၈ ဘဏ္ဍာနှစ်အတွက် နိုင်ငံခြား ရင်းနှီးမြှုပ်နှံမှု ခွင့်ပြုပေးခဲ့မှုမှာ၂၀၁၇ ခုနှစ် စက်တင်ဘာအထိ နိုင်ငံခြားရင်းနှီးမြှုပ်နှံမှုလုပ်ငန်း ၁၂၉ ခု၊ ရင်းနှီးမြှုပ်နှံမှုပမာဏ ဒေါ်လာ ၃၅၄၆ ဒသမ ၈၉၈ သန်းဖြစ်ကြောင်း၊ ရင်းနှီးမြှုပ်နှံမှု တိုးမြှင့်ခြင်း အပါအ၀င် စုစုပေါင်း ရင်းနှီးမြှုပ်နှံမှု ပမာဏ ဒေါ်လာ ၄၁၃၁ ဒသမ ၀၈ သန်း စီးဝင်ခြင်းဖြစ်ကြောင်း မြန်မာနိုင်ငံ ရင်းနှီးမြှုပ်နှံမှု ကော်မရှင်၊ သတင်းထုတ်ပြန်ချက် အမှတ်စဉ် (၁၁/၂၀၁၇) အရ သိရသည်။

မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) ၏ အစည်းအဝေး အမှတ်စဉ် (၁၃/၂၀၁၇) ကို ၂၀၁၇ ခုနှစ် စက်တင်ဘာ၂၅ ရက်က ရန်ကုန်မြို့ သစ္စာလမ်းရှိ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနတွင် ကျင်းပခဲ့ရာ အဆိုပါ အစည်းအဝေးတွင် နိုင်ငံခြား ရင်းနှီးမြှုပ်နှံမှုလုပ်ငန်း ကိုးခု ခွင့်ပြုပေးခဲ့ပြီး ရင်းနှီးမြှုပ်နှံမှု ပမာဏ ဒေါ်လာ ၄၀၃ ဒသမ ၃၉၁ သန်းနှင့် ပြည်တွင်းလုပ်သားများအတွက် အလုပ်အကိုင် အခွင့်အလမ်းပေါင်း ၃၂၀၃ ခုကို ဖန်တီးပေးနိုင်ခဲ့ကြောင်း သိရသည်။၂၀၁၇-၂၀၁၈ ဘဏ္ဍာနှစ်အတွင်း အထူးစီးပွားရေးဇုန် ဥပဒေအရ သီလ၀ါ အထူးစီးပွားရေးဇုန်တွင် ရင်းနှီးမြှုပ်နှံမှုပမာဏ ဒေါ်လာ ၂၁၄ ဒသမ ၀၈ သန်း ခွင့်ပြုခဲ့ခြင်း ဖြစ်သဖြင့် စုစုပေါင်း ရင်းနှီးမြှုပ်နှံမှု ပမာဏ ဒေါ်လာ ၄၃၄၅ ဒသမ ၁၅၉ သန်း စီးဝင်ခဲ့ခြင်းဖြစ်သည်။ ၂၀၁၇-၂၀၁၈ ဘဏ္ဍာနှစ်အတွင်း နိုင်ငံခြား ရင်းနှီးမြှုပ်နှံမှု ဥပဒေ (၂၀၁၂) အရ ခွင့်ပြုမိန့် ထုတ်ပေးခဲ့သည့် လုပ်ငန်း ၅၄ ခုဖြစ်ပြီး မြန်မာနိုင်ငံ ရင်းနှီးမြှုပ်နှံမှု ဥပဒေ (၂၀၁၆) အရ ခွင့်ပြုမိန့် ထုတ်ပေးသည့် လုပ်ငန်း ၂၂ ခုနှင့် အတည်ပြုမိန့် ထုတ်ပေးခဲ့သည့် လုပ်ငန်း ၅၃ ခု ဖြစ်သည်။

အဆိုပါ ခွင့်ပြုလုပ်ငန်း ကိုးခုမှ စက်မှုကဏ္ဍလုပ်ငန်း ခုနစ်ခု၊ အခြားဝန်ဆောင်မှု ကဏ္ဍတစ်ခုနှင့် အိမ်ရာအဆောက်အအုံ တည်ဆောက်ဖွံ့ဖြိုးမှု ကဏ္ဍတစ်ခုတို့ကို ခွင့်ပြုပေးခဲ့ခြင်းဖြစ်ပြီး အဆိုပါ နိုင်ငံခြားရင်းနှီးမြှုပ်နှံမှုလုပ်ငန်း ကိုးခုအနက် မြန်မာနိုင်ငံ ရင်းနှီးမြှုပ်နှံမှု ဥပဒေ (၂၀၁၆) အရ ခွင့်ပြုမိန့်ထုတ်ပေးခဲ့သည့် လုပ်ငန်းလေးခုနှင့် အတည်ပြုမိန့် ထုတ်ပေးခဲ့သည့် လုပ်ငန်းငါးခုဖြစ်သည်။

မြန်မာနိုင်ငံ ရင်းနှီးမြှုပ်နှံမှု ကော်မရှင် အနေဖြင့် ရင်းနှီးမြှုပ်နှံမှု လုပ်ငန်းများကို ခွင့်ပြုပေးရာတွင် လုပ်ငန်း၏ စီးပွားရေး တွက်ခြေကိုက်မှု၊ အလုပ်အကိုင်သစ်များ ဖန်တီးပေးနိုင်မှု၊ အမျိုးသားဝင်ငွေနှင့် အခွန်တိုးတက်ရရှိနိုင်မှု၊ ပြည်တွင်းပြည်ပ ဈေးကွက်အခြေအနေ၊ ပြည်တွင်းစားသုံးရန် လိုအပ်ချက်၊ နည်းပညာ ဆီလျော်မှု၊ တီထွင်ဆန်းသစ်မှု၊ နည်းပညာ လွှဲပြောင်းရရှိမှု၊ ပတ်ဝန်းကျင် ထိခိုက်မှုနှင့် လူမှုရေး ထိခိုက်မှု ထိန်းသိမ်းကာကွယ်ရေး ဆောင်ရွက်မှု အစီအမံများ၊ တာဝန်ယူမှုရှိသော ရင်းနှီးမြှုပ်နှံမှု ဖြစ်ခြင်းနှင့် တည်ဆဲဥပဒေများကို လိုက်နာခြင်း စသည့်အချက်များကို အခြေခံ၍ စိစစ်ခြင်းဖြစ်ကြောင်း သိရသည်။