စင်ကာပူအိမ်အကူများ ..မြန်မာနိုင်ငံမှ သက်ဆိုင်ရာ အာဏာပိုင်တို့ သိစေရန်

Khin Lay is with Aye Thandar and 46 others.1.12.2017

မြန်မာနိုင်ငံမှ သက်ဆိုင်ရာ အာဏာပိုင်တို့ သိစေရန် (အပိုင်း-၁)

၂၀၁၇ခုနှစ်၊ နိုဝင်ဘာလ ၂၄ ရက်နေ့က အထူးကော်မရှင်ဥက္ကဋ္ဌ သူရဦးရွှေမန်း မြန်မာပြည်ပအလုပ်အကိုင်ဝန်ဆောင်မှု လုပ်ငန်းရှင်များအဖွဲ့ချုပ်မှ တာဝန်ရှိသူများအား လက်ခံတွေ့ဆုံပွဲသတင်းနဲ့ နောက်၇ ရက် အကြာ၊ နိုဝင်ဘာလ ၂၉ ရက်နေ့ နေပြည်တော်ရှိ MICC – 2 တွင် ကျင်းပသည့် ၁၂ ကြိမ်မြောက် မဲခေါင်ဒေသတွင်း လူကုန်ကူးမှု ပူးပေါင်း တိုက် ဖျက်ရေး စီမံကိန်း၏ အဆင့်မြင့် အရာရှိကြီးများ အစည်းအဝေး သတင်းတွေဖတ်ရပြီးနောက် စာရေးသူလည်း မိမိနေရပ်ဝန်းကျင် စင်ကာပူနိုင်ငံမှ မြန်မာအိမ်အကူများနဲ့ ပတ်သက်တဲ့ သိခဲ့၊ ကြားခဲ့ မြင်ခဲ့ရတဲ့ အဖြစ်အပျက်များအပြင် ကိုယ်တိုင်ပါဝင်ကူညီခဲ့ဘူးတဲ့ မြန်မာအိမ်အကူများအခက်အခဲတို့ကို အခြေခံပြီး သက်ဆိုင်ရာတာဝန်ရှိသူတို့ သိလေမလားလို့ အကြောင်းအရာတစ်ရပ်အဖြစ်ရေးလိုက်ခြင်းပါ။

မြန်မာနိုင်ငံအစိုးရဘက်မှ ထိပ်တန်းအရာကြီးများ အခုလို လှုပ်ရှားလာတဲ့ သတင်းတွေဖတ်ရတော့ ပြည်ပရောက် မြန်မာအိမ်အကူများနဲ့ မြန်မာအလုပ်သမားများအတွက် အမှန်တစ်ကယ် အကာအကွယ်ပေးနိုင်မယ့် အစီအမံများကို လက်တွေဖြစ်ရပ်များကို အခြေခံပြီး အခြားတိုင်းပြည်များနဲ့ အစိုးရခြင်း ပူးပေါင်းပြီး လုပ်ဆောင်နိုင်ပါစေလို့ မျှော်လင့်လို့ရလေမလားလို့ မယုံရဲ ယုံရဲဖြစ်နေရပါတယ်။

မြန်မာနိုင်ငံ အစိုးရအနေနဲ့ မိမိနိုင်ငံသားများ အပေါ် အမှန်တစ်ကယ် အကာအကွယ်ပေးလိုရင်တော့ ပြီးခဲ့တဲ့ ပြဿနာတွေနဲ့ လက်ရှိအချိန်မှာ ဖြစ်နေစဉ် အခြေအနေများကို လေ့လာသုံးသပ်နိုင်ဖို့လိုပါတယ်။ လက်ရှိပြည်တွင်းက ဝန်ကြီးဌာန၊ အရပ်ဘက် အဖွဲ့အစည်းများရဲ့ ထင်မြင်သုံးသပ်ချက်အပေါ်အခြေခံပြီး အစီအမံတွေချမယ်ဆိုရင်တော့ အလုပ်မဖြစ်နိုင်ဘူးဆိုတာ ဦးဆောင်နေတဲ့ လူကြီးများ သဘောပေါက်လောက်ပါတယ်။

အရင်ဦးဆုံး ပြည်ပမှာ မြန်မာတွေ ဘယ်လို ဘယ်ပုံ လုပ်ကိုင်နေရတယ်ဆိုတာ ပွင့်လင်းမြင်သာပြီး ဘက်မလိုက်တဲ့ သုံးသပ်ချက်ကို အရင်လေ့လာကြပါ။ စာရေးသူအတွက် အနီးစပ်ဆုံးနဲ့ အလွယ်ကူဆုံး ကိုးကားရမယ့် အခြေအနေကတော့ စင်ကာပူရောက် မြန်မာအိမ်အကူများရဲ့ ဘဝနဲ့ သူတိုတွေရဲ့ အခက်အခဲပါ။

စင်ကာပူနိုင်ငံမှာ ၂၀၁၀ ရှေ့ပိုင်းကာလတွေမှာ NGO နဲ့ လူ့အခွင့်အရေးအဖွဲ့အစည်းအချို့ဟာ စင်ကာပူမှာ အိမ်အကူအလုပ် လုပ်ကိုင်နေတဲ့ နိုင်ငံခြားသူ အိမ်အကူများဘဝကို စာတမ်းပြုစုတာတွေ၊ လေ့လာသုံးသပ်ချက်တွေ ပေါ်ပေါ်ထင်ထင် လူတိုင်းသိအောင်ရေးသားတာမျိုးရှိခဲ့ပေမယ့် ၂၀၁၀ နောက်ပိုင်းမှာတော့ အရင်ကာလတုန်းကလောက် ပွင့်လင်းမြင်သာတဲ့ သုံးသပ်ချက်တွေ များများစားစား မဖတ်ရတော့ပါဘူး။ အိမ်အကူတွေ ပြဿနာတွေ လျော့နည်းသွားလို့တော့ မဟုတ်ပါ။ ဒီသတင်းတွေရဲ့ အချက်အဘက်အချို့ဟာ စင်ကာပူနိုင်ငံနဲ့ အစိုးရအတွက် မျက်နှာပန်းလှစရာမရှိတဲ့ အကြောင်းအရာအများစု ပါဝင်နေတာကြောင့် နောက်ပိုင်းကာလတွေမှာ အချို့အဖြစ်အပျက်များရဲ့ အချက်အလက်တွေကို လေ့လာသူတို့ အရင်ကလို သက်ဆိုင်ရာကနေ ပြည့်ပြည့်စုံစုံ မစုဆောင်းနိုင်တော့တာတွေကြောင့်လို့ ယူဆပါတယ်။

လွန်ခဲ့တဲ့ ၁၉၉၉ ခုနှစ်ကနေ ၂၀၀၅ ကာလအတွင်းမှာ စင်ကာပူမှာ အိမ်အကူ ၁၄၇ ယောက်ဟာ အလုပ်လုပ်နေစဉ် (သို့) မိမိကိုယ် သေကြောင်းကြံကာ အသက်ဆုံးရှုံးခဲ့တယ်ဆိုတဲ့ ရေးသားချက်ကို Human Right Watch (HRW) သုံးသပ်ချက်မှာ ဖတ်လိုက်ရပါတယ်။ သေဆုံးမှုအများစုဟာ အမြင့်မှ ပြုတ်ကျတာမျိုးနဲ့ ခုန်ချတာတွေလို့လည်း ရေးထားပါတယ်။ လက်ရှိကာလ မြန်မာအိမ်အကူများ စင်ကာပူမှ ဖြစ်ရပ်များနဲ့ အတော့ကို တူနေတယ်လို့ ယူဆမိပါရဲ့။ သုံးသပ်ချက်အရတော့ မိမိကိုယ် မိမိအဆုံးစီရင်ခဲ့တဲ့ အိမ်အကူများရဲ့ အဖြစ်တွေဟာ အကြောင်းအရာ တစ်ခုတည်းကို အခြေခံတာ မဟုတ်ဘဲ မျှော်လင့်ချက်ကင်းဝေးနဲ့တဲ့ အဖြစ်မျိုး၊ ဆိုးရွှားတဲ့ အလုပ်အခြေအနေ (အိမ်ရှင်များ ညဉ်းပန်း ရိုက်နှက်တာတွေ အပါအဝင်)၊ စိုးရိမ်ကြောင့်ကြမှုများ၊ အလုပ်ခန့်ထားရေးအေဂျင်စီတို့ကိုပေးရမယ့် အကြွေးပြဿနာ၊ ပတ်ဝန်းကျင်နဲ့ ကင်းကွာနေတဲ့အနေအထား၊ အချိန်ကြာမြင့်စွာ ပိတ်လှောင်ခံရနေတဲ့ အလုပ်အခြေအနေ စတာတွေကြောင့်လို့ ရေးထားပါတယ်။

စင်ကာပူစိုးရအနေနဲ့လည်း သေဆုံးမှုတွေထဲမှာ မတော်တဆဖြစ်ရပ်တွေလည်း ပါဝင်နေတယ်ဆိုတာ လက်ခံထားပါတယ်။ မတော်တဆသေဆုံးမှုတွေထဲမှာ အိမ်ရှင်ရဲ့ ပေါ့ဆမှုအပါအဝင် အန္တရာယ်ရှိတဲ့ အနေအထားမျိုးနဲ့ အိမ်အပြင် ပြူတင်းပေါက်များနဲ့ အမြင့်နေရာတွေမှာ အိမ်အကူတွေကို သန့်ရှင်းရေးလုပ်ခိုင်းတာမျိုး၊ အဝတ်လှန်းခိုင်းတာကြောင့် အခုလို အသက်ဆုံးရှုံးရတာတွေနဲ့ ကြုံတွေ့ရတာပါ။ ဒါကြောင့် အိမ်အကူအလုပ်တွေမှာလည်း အန္တရာယ်ရှိနိုင်တဲ့ အလုပ်တွေ ပါဝင်တယ်ဆိုတာ သတိပြုကြပါ။ အချို့တွေ အိမ်တွင်း ချက်ပြုတ်၊ သန့်ရှင်းရေးနဲ့ ကလေးသူငယ် လူမမာပြုစုရတာ အသက်အန္တရာယ်ရှိတဲ့ အလုပ်မဟုတ်ဘူးလို့ ထင်နေဆဲပါ။

အခုလိုဖြစ်ရပ်တွေဟာ သတင်းမီဒီယာနဲ့ ဥပဒေပြု အဖွဲ့များအပြင် သက်ဆိုင်ရာ အစိုးရကိုပါ အိမ်အကူများ အလုပ်အကိုင်အနေအထားကို ပိုပြီး အာရုံစိုက်စေခဲ့ပါတယ်။ ဒါကြောင့် အစိုးရအနေနဲ့ အိမ်အကူ အလုပ်တွေမှာ ထပ်မံပြဌာန်းရမယ့် ဥပဒေတွေ ရှိနေဆဲဆိုတာကို လက်ခံခဲ့ပါတယ်။ အဲ့ဒီနှစ်အတွင်းမှာ စင်ကာပူအစိုးရဟာ အိမ်အကူများအလုပ်ထဲမှ အမြင့်မှာ လုပ်ရတဲ့ ပြူတင်းပေါက်သန့်ရှင်းရေးနဲ့ အဝတ်လှန်းတာတွေကို အိမ်ရှင်များအပေါ် စည်းမျဉ်းစည်းကမ်းများချမှတ် ကိုင်တွယ်ခဲ့ပါတယ်။

စင်ပူကာနိုင်ငံမှာ ရွှေ့ပြောင်းအလုပ်သမားများဟာ ဆိုးရွားရှည်လျားအလုပ်လုပ်ချိန် နာရီ၊ အပတ်စဉ်နားရက်မရှိ၊ လုပ်ခနည်းပါးခြင်း၊ ဒါတွေကို စင်ကာပူရဲ့ ဥပဒေများအတွင်း တိကျစွာမပြဌာန်းဘဲ အဓိကအားဖြင့် သတင်းအချက်အလက်လမ်းညွှန်များမှတဆင့်သာ ကိုင်တွယ်ဖြေရှင်းခဲ့တယ်လို့လည်း သုံးသပ်ချက်မှာ ရေးထားပါတယ်။

အထူးသဖြင့် အခြားကာယလုပ်သားများလို လူသူမသိ၊ အိမ်တွင်းမှာနေရပေမယ့် အလုပ်ချိန်နာရီရှည်ကြာစွာ နေ့စဉ် ရက်ဆက်လုပ်ကိုင်နေရတဲ့ နိုင်ငံခြားသူ အိမ်အကူများ ဘဝအတွက် စင်ကာပူအစိုးရဘက်မှ တိကျအတဲ့ ဥပဒေများနဲ့ ပြဌာန်းကိုင်တွယ်ခြင်း ယနေ့အချိန်ထိမရှိသေးပါ။

အမ်အိုအမ်ဟာ နိုင်ငံခြား အိမ်အကူများ နေ့စဉ် အလုပ်ချိန် ၁၃ နာရီမှ ၁၉ နာရီထိ လုပ်နေရဆဲ ဆိုတာကို စင်ကာပူနိုင်ငံသား အိမ်ရှင်များ လိုအပ်ချက်ဖြည်ဆည်းရေးအတွက် ဦးစားပေးကာ သာမန်အလုပ်သမားများ အလုပ်ချိန်သတ်မှတ်ချက်မျိုး မပြဌာန်းပေးနိုင်သည့်တိုင်အပြင် အိမ်ရှင်နှင့် အိမ်အကူ နားလည်မှုအနေဖြင့်သာ ထားရှိနေဆဲကိုလည်း လေ့လာချက်မှာ ဖော်ပြထားပါတယ်။

အိမ်အကူတစ်ဦးရဲ့ လူမှုဖူလုံရေးကို ဦးစားပေးလုပ်ဆောင်ပါက အိမ်ရှင်များအတွက် ဝန်ထုတ်ဝန်ပိုးဖြစ်လာမည်ကိုလည်း စင်ကာပူအစိုးရ ရိမ်မိထားပြီးသားပါ။ သို့ပေသည့်တိုင် အချိန်နာရီ ရှည်ကြာစွာ နေ့စဉ်ရက်ဆက် လုပ်ကိုင်ရတဲ့ အလုပ်အတွက် ခန္တာကိုယ် ပင်ပန်းနွမ်းနွယ်မှုအပြင် စိတ်လန်းဆန်းကြည်လင်မှုတွေပါ ပျောက်ဆုံးနေရတဲ့ အိမ်အကူတွေရဲ့ ဘဝမှာ ထွက်ပေါက် ထွက်လမ်းကို နည်းလမ်းမှန် မရွေးချယ်နိုင်ရင်တော့ အမှားများနဲ့ ရင်ဆိုင်ခဲ့ရတဲ့ မြန်မာအိမ်အကူ အများအပြားရှိခဲ့သည်ကိုလည်း စင်ကာပူမှ မြန်မာအသိုင်းအဝိုင်းက ကောင်းကောင်းသတိပြုမိနေပါတယ်။

ပုမှန်အခြေခံအလုပ်သမားဝင်ငွေရဲ့ တစ်ဝက်လောက်သာ ရနေကြတဲ့ မြန်မာအိမ်ကူတွေဟာ နေ့စဉ်မနက်မိုးမလင်ခင်အချိန်မှစပြီး ညဥ့်နက်မိုးချုပ်တဲ့အချိန်ထိ အိမ်အလုပ်တွေကို စေခိုင်းခံနေရသူများပါ။ အချို့တွေဆိုရင် အိမ်ရှင်များရဲ့ လူမမယ်ကလေးသူငယ်များနဲ့ မမာမကျန်းဖြစ်နေတဲ့ လူကြီးသူမများကို အနီးကပ်ပြုစုရှောက်ရတဲ့ အခါမျိုးမှာ အနားယူချိန်လုံလုံလောက်မရှိကြပါဘူး။ လူနည်းစု အိမ်အကူချို့တွေသာ မိသားစုဝင်နည်းတဲ့ အိမ်ထောင်စုများနဲ့ကြုံတွေ့ရတဲ့အခါမှသာ ပုံမှန်အလုပ်ချိန်နဲ့ နားချိန်ပြည့်ပြည့်ဝဝ ရနိုင်ကြတယ်ဆိုတာဟာလည်း စစ်တမ်းတွေကတဆင့် သိခဲ့ရတယ်လို့ဆိုပါတယ်။ စင်ကာပူမှာ အချို့ ကိုယ်ပိုင်လုံးခြင်းအိမ်ရာများမှာ လုပ်ကိုင်ရတဲ့ အိမ်အကူအချို့ရဲ့ ဘဝဟာလည်း သာမန်အလုပ်သမားများတဲ့ အလုပ်ဝတ္တရားပိုများကြတယ်ဆိုတာ အများအမြင်မှာ မသိနိုင်တာတွေလည်း ရှိနေခဲ့ပါတယ်။ အချို့အိမ်အကူတွေဟာ ၃ ထပ်တိုက်ရဲ့ အိမ်အတွင်း သန့်ရှုင်းရေးနဲ့ ဝင်းခြံအတွင်း သန့်ရှင်းရေး၊ ရေကူးကန်သန့်ရှင်ရေးနဲ့ အိမ်ရှင်တို့ စီးနင်းတဲ့ မော်တော်ယာဉ်သန့်ရှင်းရေး စတာတွေကို နေ့စဉ်ရက်ဆက်သလို လုပ်ကိုင်နေကြရတာပါ။

အခုလိုမျိုး များပြားလှတဲ့ အိမ်မှုလုပ်ငန်းတွေကို လက်ရှိ အမ်အိုအမ်ဥပဒေအရ အိမ်ရှင်များဟာ အိမ်အကူ့လုပ်ရမယ့်တာဝန်ထက် ပိုမိုခိုင်းစေသလားဆိုတာကို အခါအခွင့်သင့်လို့ မေးမြန်းတဲ့အခါမှာလည်း အိမ်ရှင်များနဲ့ အိမ်အကူတို့ နှစ်ဦးသဘောတူ လုပ်နိုင်တယ်ဆိုတဲ့ အဖြေမျိုးနဲ့ တုန့်ပြန်တတ်သလို အိမ်တွင်းအလုပ်မျိုးမဟုတ်တဲ့ ဝင်းခြံသန့်ရှင်းရေးနဲ့ မော်တော်ယာဉ်သန့်ရှင်းရေးတွေဟာလည်း အိမ်ရှင်က ခိုင်းစေနိုင်တယ်လို့ သိရပါတယ်။

ဒီ့အပြင် အချို့အိမ်ရှင်များဟာ အိမ်အကူကို မိမိတို့ နေ့စဉ်အလုပ်သွားစဉ်အချိန်မှာ ၎င်းတို့ မိဘဆွေမျိုးများ အိမ်သို့ ပို့ဆောင်ပြီး အိမ်အလုပ်စေခိုင်းလေ့ရှိတာတွေကိုလည်း မကြာခဏဆိုသလို ကြားသိနေရပါတယ်။ အချို့ ကိစ္စရပ်များကို အမ်အိုအမ်သို့ တိုင်ကြားတဲ့အခါမှာလည်း သက်ဆိုင်ရာမှာ ရှောင်တခွင် စစ်ဆေးတာမျိုးထက် အိမ်ရှင်အား ဖုန်းဖြင့် မေးမြန်းစုံစမ်းခြင်းမျိုးလုပ်ဆောင်ခဲ့တာတွေကြောင့် အလားတူကိစ္စရပ်အတော်များများကိုလည်း အရေးယူနိုင်ခြင်း မရှိခဲ့ပါဘူး။ အဆုံးသတ်မှာတော့ တိုင်ကြားတဲ့ အိမ်အကူဟာ အိမ်ရှင်ရဲ့ ငြိုငြင်ခြင်းခံရပြီး အလုပ်အကိုင်ရှာဖွေရေးအေဂျင်စီမှ တဆင့် နေရပ်တိုင်းပြည်ပြန်ပို့ ခံရသူတွေလည်း ရှိခဲ့ပါတယ်။

လက်ရှိအမ်အိုအမ်ရဲ့ တည်ဆဲ ဥပဒေများအကြောင်းကိုလည်း မြန်မာနိုင်ငံအစိုးရနဲ့ သက်ဆိုင်ရာဌာနများအနေဖြင့် ကောင်းစွာနားလည်သဘောပေါက်ရန်လည်း အရေးကြီးပါတယ်။ အဓိကအချက်အနေနဲ့ မြန်မာနိုင်ငံဘက်မှ အိမ်အကူအလုပ်အကိုင်ရှာဖွေရေးအေဂျင်စီများရဲ့ တာဝန် ဝတ္တရားများကို တိတိကျကျပြဌာန်းကိုင်တွယ်နိုင်ခြင်း မရှိသေးတာဟာ အဓိက အားနည်းချက်ကြီးပါ။ မြန်မာနိုင်ငံမှ အလုပ်အကိုင်ရှာဖွေရေး အေဂျင်စီများ၏ မမှန်မကန်လုပ်ရပ်များ၊ အသက်မပြည့်သူ အမျိုးသမီးငယ်များအား ဝေးလံခေါင်ဖျားအရပ်ဒေသများမှနေ၍ နိုင်ငံခြားအလုပ်အကိုင်တစ်ခုအဖြစ် အကြောင်းပြီး အိမ်အကူအလုပ်သဘောသဘာဝနှင့် အိမ်အကူတစ်ဦးနေ့တဒူဝလုပ်ဆောင်ရမည့် အလုပ်တာဝန်များနှင့် လက်ရှိ စင်ကာပူမှ အိမ်ရှင်များလိုအပ်ချက်အရ အလုပ်ခန့်အပ်သည်များကို ပွင့်လင်းမြင်သာစွာ ရှင်းလင်းပြောပြတာမျိုး မလုပ်ဆောင်ဘဲအလွယ်တကူ ရနိုင်၊ လုပ်ကိုင်နိုင်သည့် မက်လုံးများဖြင့် ပို့ဆောင်နေကြတာဟာလည်း စင်ကာပူမှ မြန်မာ အိမ်အကူများပြဿနာကို ပိုမိုကြီးထွားလာစေခဲ့ပါတယ်။

လူသစ် အတွေ့အကြုံမရှိတဲ့ အသက်မပြည့်သူ အိမ်အကူများကို အဓိက သားကောင်သတ်မှတ်ပြီး လက်ရှိကာလမှာ စင်ကာပူသို့ အိမ်အကူ ပို့ဆောင်နေကြသည်ကိုလည်း အိမ်အကူများအား ကူညီနေတဲ့ အဖွဲ့အစည်းနဲ့ သတင်းမီဒီယာတို့မှ လက်ရှိဖြစ်ခဲ့ အဖြစ်အပျက်များနှင့် လုပ်ကိုင်နေသည့်အေဂျင်စီများအား သက်သေ အထောက်အထားအပြည့်အစုံနှင့် လူသိရှင်ကြားတင်ပြခဲ့သည့်တိုင်အောင် အသက်မပြည့်တဲ့ မြန်မာအိမ်အကူများကတော့ စင်ကာပူကို တဖွဲဖွဲတင်ပို့နေဆဲပါ။

လက်ရှိ အိမ်အကူအေဂျင်စီများ လုပ်နေကြတဲ့ လုပ်ထုံးလုပ်နည်းအတိုင်း အိမ်အကူများကိုဂအေဂျင်စီဝန်ဆောင်ခအား လက်ငင်းးပေးဆောင်ရန်
မလိုဘဲ အိမ်ရှင်ထံမှ လစဉ်လုပ်ခငွေမှ ပေးဆောင်လို့ရတဲ့ အစီအမံဟာလည်း နားမလည်သူ အိမ်အကူများအတွက်ကတော့ "အရင်းမစိုက်လှေထိုးလိုက်" ဆိုတဲ့စကားအတိုင်း ၎င်းတို့အတွက် အဆင်ပြေလိမ့်မယ်လို့ မျှော်လင့်ချက်များစွာနဲ့ မြန်မာပြည်မှ တိုင်းတစ်ပါးက အိမ်အကူအလုပ်ကို လုပ်ရန်လက်ခံခဲ့ကြပါတယ်။
သို့ပေမယ့် မှန်းချက်နဲ့ နှမ်းထွက်မကိုက်ခဲ့ရတဲ့ မြန်မာအိမ်အကူတွေ ဒုနဲ့ဒေးပါ။ အိမ်အကူအလုပ်အကိုင်အေးဂျင်စီများရဲ့ မျက်လုံးပေးမှုကြောင့်သာ စင်ကာပူကို အိမ်အကူအလုပ်နဲ့ လာခဲ့ကြပေမယ့် ရုပ်ဆိုင်ူနဲ့ စိတ်ပိုင်းဆိုင်ရာ ကြိုတင် ပြင်ဆင်ထားခြင်းမရှိတဲ့ မြန်မာအိမ်အကူ လူသစ်တွေအတွက် စိမ်ခေါ်မှုတွေနဲ့ စတင်ရင်ဆိုင်ပါတော့တယ်။ ပုံမှန်ရင်ဆိုင်နေရတဲ့ အခက်အခဲများကတော့ ပြောဆိုဆက်ဆံခြင်း၊ အလေ့အထ သဘာဝ ကွာခြားခြင်း၊ အိမ်ရှင်များရဲ့ အခွင့်ရေးယူမှုနဲ့ တောင်းဆိုမှုများပြားခြင်း၊ အေးဂျင်စီများရဲ့ ဖိအားပေးမှု၊ မြန်မာဓလေ့အစားအစာ ကွာခြားမှု၊ အိမ်အကူအလုပ်သဘောသဘာဝကို နားမလည်နိုင်ခြင်း၊ ပေးဆပ်မည့် အေဂျင်စီဖိုးများကြောင့် အလုပ်လုပ်ပြီး လက်ဝဲမှာ လုပ်ခကို ကိုင်ဆောင်နိုင်ခွင့်မရှိခြင်း၊ အိမ်ရှင်အသစ်ပြောင်းမည်ဆိုပါက ထပ်မံအပိုပေးဆောင်မည့် အေဂျင်စီဖိုးများကြောင့် ကြွေးမီဒဏ်ပိလာခြင်း၊ အလုပိချိန်နာရီရှည်ကြာခြင်း၊ လူသစ်များအတွက် ပြင်ပလောကနီင့် အဆက်အသွယ်ပြတ်တောက်ခြင်း စတာတွေပါ။

မြို့ပြနဲ့ အလှမ်းဝေးပြီး ဗဟုသုတ၊ အတွေ့အကြုံနည်းပါးခြင်းကို အခွင့်ကောင်းယူကာ တိုင်းရင်းသူများအပါအဝင် အသက်မပြည့်သူ မြန်မာနိုင်ငံသူ အိမ်အကူအများစုအတွက် ဘယ်လိုဘယ်ပုံ အသက်လိမ်လည်ကာ မြန်မာနိုင်ငံကူးလက်မှတ်တွေ လွယ်လွယ်ကူရခဲ့ကြတာဟာလည်း မြန်မာနိုင်ငံအကြောင်း သိပြီးသား မြန်မာတွေအတွက်တော့ မထူးဆန်းတော့ပါဘူး။

မြန်မာနိုင်ငံမှာ နိုင်ငံကူးလက်မှတ်လျှောက်ထားဖို့ရာမှာ အစိုးရဌာနအချို့ရဲ စီစစ်မှုကိုခံယူပြီးမှ လက်ဝယ်ကိုင်ဆောင်ခွင့်ရတဲ့ အဲ့ဒီမြန်မာနိုင်ငံကူးလက်မှတ်ကို အသက်မပြည့်တဲ့ အိမ်အကူအတွက်ခွင့်ပြုတယ်ဆိုကတည်းက မသမာတဲ့နည်းလမ်းနဲ့ ရလာတယ်ဆိုတာ အားလုံးသိပြီးသားပါ။ ဒီတော့ တာဝန်အရှိဆုံး ပုဂ္ဂိုလ်များအနေနဲ့ ပြန်ပြီး သတိလည်စေချင်ပါတယ်။

အသက်မပြည့်တဲ့ မြန်မာအိမ်အကူ ကိစ္စရပ်ဟာ ကနေ့ထိတိုင် မဖြေရှင်းန်ုင်သေးတဲ့ အကြောင်းအရာမို့ ဒီနေရာမှာ ဒီလောက်နဲ့ တင်ပြပြီး အခြားအကြောင်းအရာများကို ဆက်ပြီးဆွေးနွေးချင်ပါတယ်။ စာဖတ်သူတို့ အသက်မပြည့်သူ မြန်မာအိမ်အကူကိစ္စရပ်တွေကို ကွန်မန်းကနေ ဆက်လက် ပါဝင်ဆွေးနွေးကြပါ။

ဆက်လက်ရေးသားလိုတဲ့ အကြောင်းအရာကတော့ အိမ်အကူအလုပ်ခန့်ထားရေးမှာ အဓိကပါဝင်ဆောင်ရွက်တဲ့ နှစ်ဘက်နိုင်ငံမှ အလုပ်အကိုင်ရှာဖွေရေး အေဂျင်စီများပါ။ စင်ကာပူအစိုးရကတော့ မြန်မာနိုင်ငံနဲ့ သူ့နိုင်ငံအေဂျင်စီနဲ့ပတ်သက်လို့ ကောင်းကောင်းနားလည်ထားသလို့ အမ်အိုအမ်ဘက်ကလည်း သူတို့အစိုးရဘက်မှ ကြီးကြပ်ရမယ့်အပိုင်းကို ဥပဒေဘောင်အတွင်းကနေ ထိုက်သင့်သလို က်ုင်တွယ်ဖြေရှင်းနေပါတယ်။ ရာနှုန်းပြည့် ကျေနပ်စရာမရှိပေမယ့် မြန်မာနိုင်ငံထက်စာရင်တော့ အတော့ကို ထိရောက်ပါတယ်။ သူ့နိုင်ငံအစိုးရ သိက္ခာကိုလည်း အကာအကွယ်ပေးနိုင်တာလည်း တွေ့ရပါတယ်။

အိမ်အကူတွေဟာ နှစ်ဘက်နိုင်ငံက အေ့ဂျင်စီ ၂ ခုစလုံးကို ဝန်ဆောင်ခပေးနေရတယ်ဆိုတာ စင်ကာပူအစိုးရ ကောင်းကောင်းသိပါတယ်။ ဒါကြောင့် စင်ကာပူရဲ့ အိမ်အကူ ပါမစ်အကြိုခွင့်ပြုစာ IPA မှာ အေးဂျင်ဝန်ဆောင်ခကိုလည်း စင်ကာပူအတွက်ပေးဆောင်ရမယ်မယ့် ပမာဏကိုသာ ဖော်ပြဖို့လိုပါတယ်။ သဘောကတော့ မြန်မာပြည်အပိုင်း မြန်မာပြည်အေးဂျင်နဲ့သာ ရှင်းဆိုတဲ့သဘောပါ။ ဥပဒေ မှာလည်း အလားတူဖော်ပြထားပါတယ်။ ဒီတော့ အိမ်အကူနဲ့ အေဂျင်စီအဆင်မပြေလို့ ဖြေရှင်းတဲ့အခါမှာ မြန်မာအိမ်အကူများအတွက် ဂနဦးက မြန်မာပြည်ဘက်မှာ သဘောတူလာတာတွေ၊ ဝန်ဆောင်ခပမာဏတွေအတွက် ပြောဖို့ရာ အကျုံးမဝင်တော့ပါဘူး။ မြန်မာပြည်ပြန်ရောက်လာတော့လည်း မြန်မာပြည်ဘက်အေးဂျင်မှ စင်ကာပူမှာ ဖြစ်ခဲ့တဲ့ ပြဿနာဖို့ သူတို့ဘက်မှ တာဝန်ယူ မဖြေရှင်းနိုင်ဘူးလို့သာ ပြောတတ်ကြပါတယ်။ နှစ်ဘက်အေဂျင်စီကြားမှာ နားလှည်ပါးရိုက်ခံနေရတဲ့ သဘောပါ။ ဒါဟာ လက်ရှိအခြအနေရဲ့ အဓိက ဒိုးယိုပေါက်တစ်ခုဆိုတာ မြန်မာအစိုးရကောင်းကောင်းသဘောပေါက်သင့်ပါပြီ။

(ဆက်ရန်)

Credit- SG Helper ရင်ဖွင့်ရာ Admin Team

Khin Lay added 2 new photos  1.12.2017

CNA မှာ ရေးထားတဲ့ သတင်းကတော့ စင်ကာပူရောက် အိမ်အကူ ၁၀ ဦးမှာ ၆ ဦးဟာ ခေါင်းပုံဖြတ် အမြတ်ထုတ် ဂုတ်သွေးစုတ်ခြင်းခံနေရတယ်ဆိုတဲ့ အတော့ကို စိတ်မကောင်းစရာ သတင်းပါ။ ဒါတွေကို မြန်မာနိုင်ငံအစိုးရနဲ့ သက်ဆိုင်ရာအာဏာပိုင်တွေ ဖတ်စေချင်ပါတယ်။ နိုင်ငံတွင်းက ပြဿနာရပ်တွေအပေါ်အာရုံစိုက်နေရလို့ တိုင်းပြည်ပြင်ပက မိမိနိုင်ငံသူတွေ အခုလိုမျိုး ကြုံတွေ့နေရတာကို အရင်ဆုံး လက်ခံစေချင်ပါတယ်။

စစ်တမ်းကောက်ယူခဲ့တဲ့ အစီရင်ခံစာထဲမှ ကောနုတ်ချက်အချို့ကို ဒီသတင်းထဲမှာ CNA က ဖော်ပြခဲ့တာပါ။ ဖိလစ်ပိုင်နဲ့ အင်ဒိုနီးရှား အိမ်အကူတွေရဲ့ အခြေအနေဟာ မြန်မာအိမ်အကူများထက် အများကြီးသာလွန်ပါတယ်။ ဒါက ငြင်းနေစရာမလိုသလို လက်ရှိအချိန်မှာတော့ စင်ကာပူရဲ့ နိုင်ငံခြားသူ အိမ်အကူတွေထဲမှာ ဖိလစ်ပိုင်အိမ်အကူတွေဟာ အခြားနိုင်ငံသူတွေထက် လစာ၊ အခွင့်အရေးနဲ့ ကာကွယ်စောင့်ရှောက်မှု ပိုမို ရရှိနေလို့ပါ။

ဒီလိုအနေအထား ရှိနေတဲ့ ဖိလစ်ပိုင်အိမ်အကူတွေထဲမှာတောင် အချို့သူတွေ (တစ်ဝက်ကျော်လောက်ဟာ) ခေါင်းပုံဖြတ်၊ အမြတ်ထုတ်၊ ဂုတ်သွေးစုတ်ခြင်းကို ခံနေရပြီဆိုရင်တော့ မြန်မာအိမ်အကူတွေ ဘဝဟာ ဘယ်လို အခြေအနေရောက်နေပြီဆိုတာ သဘောပေါက်သင့်ပါပြီ မြန်မာအာဏာပိုင်တို့။

စစ်တမ်းတွေထဲမှာ အချို့အိမ်အကူတွေဟာ နေ့စဉ် စားသုံးဖို့အတွက် မိမိတို့စရိတ်နဲ့ အကုန်အကျခံနေရတယ်ဆိုတာတောင် ရေးထားပါတယ်။ ဒါဟာ ဥပဒေအရဆိုရင်တော့ အတော့ကို ဆိုးရွှားတဲ့အခြေအနေပါ။ မြန်မာတွေထဲမှာလည်း အလားတူဖြစ်ရပ်မျိုး မရှိဘူးလို့ မမှတ်ကြပါနဲ့။

စင်ကာပူနိုင်ငံ ဟောင်ကောင်ပြီးရင် အရှေ့တောင်အာရှမှာ နိုင်ငံခြားအိမ်အကူ ခန့်ထားရာမှာ ဒုတိယအများဆုံးနိုင်ငံပါ။ လက်ရှိစစ်တမ်းအရ နိုင်ငံခြားသား အိမ်အကူ စင်ကာပူမှာ ၂၄၃၀၀၀ ရှိနေချိန်မှာ ဟောင်ကောင်မှာတော့ ၃၃၆၀၀၀ ရှိနေပြီလို့ ဆိုပါတယ်။ သို့ပေမယ့် စင်ကာပူရဲ့ လက်ရှိပြဌာန်းဆဲ ဥပဒေများအရ နိုင်ငံခြားသား အိမ်အကူတွေအတွက် အကာအကွယ်ပေးမှုဟာ အခြားနိုင်ငံခြားသား အလုပ်သမားများနဲ့ တန်းတူမရှိဘဲ စင်ကာပူအစိုးရဟာ အိမ်အကူတို့ရဲ့ အလုပ်သဘောသဘာဝအရ အခုလို ဆက်လက်ထားရှိနေဦးမယ်လို့ ဆိုပါတယ်။

စင်ကာပူနိုင်ငံရဲ့ အထင်ကရ ဥပဒေကြီးတစ်ရပ်ဖြစ်တဲ့ Employment Act (အလုပ်ခန့်ထားရေး အက်ဥပဒ) နိုင်ငံခြားသား အ်ိမ်အကူများအတွက် အကျုံးမဝင်ခြင်းဟာ စင်ကာပူနိုင်ငံရဲ့ နိုင်ငံခြားသား အိမ်အကူများအပေါ်ခွဲခြားဆက်ခံခြင်းဟာ သိသာထင်ရှားလှပါတယ်။

ဒီလိုခွဲခြား ဆက်ဆံမှုဟာ အိမ်အကူများအတွက် အကာအကွယ်ပေးရေးအတွက် အဟန့်အတားဖြစ်နေတယ်ဆိုတာကိုလည်း စစ်တမ်းမှာဖော်ပြထားပါတယ်။ အထူးသဖြင့် ဥပဒေအရ အကာအကွယ်ပေးနေတဲ့ ဆေးဝါးကုသခံယူမှု၊ အလုပ်ချိန်နာရီနဲ့ အခြားခံစားခွင့်တွေ ဆုံးရှုံးနေရပါတယ်။ အိမ်အကူတွေ အိပ်စက်ဖို့အတွက် အိမ်ရှင်များ မသိကျိုးကျွန်ပြုမှုတွေဟာလည်း အတော့ကိုများနေပါတယ်။ လသာဆောင်မှာ အိပ်စက်ရတဲ့ အ်ိမ်အကူတွေ၊ အိမ်သာအတွင်း ညစဉ် အိပ်နေရတဲ့ အိမ်အကူတွေထဲ မြန်မာအိမ်အကူတွေလည်း ပါနိုင်တယ်ဆိုတာ မြန်မာအစိုးရကို သိစေချင်ပါတယ်။

ဒီဖြစ်ရပ်တွေထဲမှာ လိင်ပိုင်းဆိုင်ရာ စော်ကားခံရခြင်း၊ ကိုယ်ထိလက်ရောက် ရိုက်နှက် ညဉ်းပန်းခံရခြင်း၊စိတ်ပိုင်းဆိုင်ရာမျိုးနဲ့ နေ့စဉ်ဆဲဆို ကြိမ်းမောင်းခံနေရတဲ့ အိမ်အကူတွေရဲ့ ဘဝဟာ ကယ်သူမယ့် ခိုကိုးရာမရှိ ဖြစ်နေရတာတွေကို စစ်တမ်းကနေ သက်သေပြနေပါပြီ။ တရားရုံးကနေ အပြစ်ပေးခဲ့တဲ့ အခုလိုလုပ်ရပ်ပေါင်း ၂၆ ခုကိုလည်း ၂၀၁၄ မှတ်တမ်းအရ သိရပါတယ်။

အိမ်အကူတွေကို ရိုက်နှက်တဲ့ အိမ်ရှင်တွေကြောင့် အသက်ဆုံးရှုံးခဲ့ရတဲ့ စင်ကာပူက မြန်မာအိမ်အကူသတင်းဟာလည်း ဖြစ်စဉ်ခဏမှာ အတော့ကို ဟိုးလေးတကျော်ဖြစ်ပြီး မြန်မာနိုင်ငံ ပြည်သူ့လွတ်တော်အစည်းအဝေးထိ အဆိုတင်သွင်းဆွေးနွေးခဲ့ကြပြီးနောက် ဘာမှ မထူးခြားလာတာကတော့ မြန်မာတို့ရဲ့ ဓလေ့ထုံးစံလို့သာ မှတ်လိုက်ပါတယ်။ အားရစရာမရှိတဲ့ လုပ်ရပ်တွေအတွက် စိတ်ပျက်စရာအဖြစ်ဝေဖန်တာပါ။

ရိုက်နှက် ညဉ်းပန်းခံရပြီး ရသင့်ရထိုက်တဲ့ မိမိတို့လုပ်ခငွေ ရတယ်ဆိုရင်လည်း မြန်မာပြည်မှာ ကျန်ရှိနေတဲ့ မိသားစု ထမင်းဝတာပေါ့။ အခုတော့ အဲ့လို မဟုတ်ပြန်ပါဘူး။ ပြီးခဲ့တဲ့ လအနည်းငယ်ကာလတုန်းကဆိုရင် စင်ကာပူအိမ်ရှင်တစ်ဦးဟာ မြန်မာအိမ်အကူလစာ တစ်နှစ်စာလောက်မပေးဘဲ လစာပေးရန်ပျက်ကွက်မှုနဲ့ အမ်အိုအမ်က အရေးယူခြင်း ခံခဲ့ရပါတယ်။ တစ်နှစ်စာ လစာမရတဲ့ မြန်မာအိမ်အကူရဲ့ ဘဝနဲ့ ကျန်ရစ်ခဲ့တဲ့ မိသားစုတွေအတွက် မြန်မာအာဏာပိုင်တို့ စဉ်းစားပေးနိုင်မယ်ဆိုရင် အနည်းဆုံးတော့ လူသားဆန်တဲ့ အစိုးရလို့ ပြောနိုင်ပါပြီ။

စင်ကာပူမှာ လူဦးရေစုစုပေါင်းရဲ့ ၇% နှုန်းထားလောက်ရှိတဲ့ နိုင်ငံခြားသူ အိမ်အကူတွေဟာ နိုင်ငံသားဝန်ထမ်းဦးရေရဲ့ ၁၇% မှာ ရှိနေသလို စင်ကာပူက မိသားစုဝင် ၃ စုမှာ ၁ စုအနည်းဆုံး နိုင်ငံခြားသား အိမ်အကူခန့်ထားရပါတယ်။ ဒီနိုင်ငံရဲ့ အိမ်အကူ စုစုပေါင်းရဲ့ ၅၆% ဟာ အင်ဒိုနီးရှားသူများဖြစ်သလို ၃၂% ဟာ ဖိလစ်ပိုင်သူတွေပါ။ ကျန်တဲ့ ၁၂% မှာ မြန်မာနှင့် အခြားနိုင်ငံသူတွေ ပါဝင်တယ်လို့ စစ်တမ်းမှာရေးထားပါတယ်။

မြန်မာနိုင်ငံမှာ အိမ်အကူအလုပ်ကို အောက်ကျတယ်၊ နိမ့်ကျတယ်ဆိုတဲ့ အမြင်နဲ့ အစိုးရဟာ ပြည်ပကို မြန်မာအမျိုးသမီးများ အိမ်အကူနဲ့ သွားရောက်လုပ်ကိုင်တာကို နှစ်မြိုဟန်မတူပါဘူး။ ဒါကြောင့် "ငါတို့ အစိုးရက အိမ်အကူအလုပ်ကို အားမပေးဘူး" လို ဟန်တွေ လုပ်မနေကြပါနဲ့။ ပြည်သူဆိုတာ စားဝတ်နေရေးအတွက်လိုအပ်လာရင် သမာအာဇီဝဖြစ်မယ့်အလုပ်မှန်သမျှကို အစိုးရအနေနဲ့ အားမပေးသင့်ဘူးလား။ တစ်ချိန်မှာ တိုင်းပြည်မှာ မြန်မာအမျိုးသမီးတွေအတွက် ကောင်းမွန်လျှောက်ပတ်တဲ့ အသက်မွေးဝမ်းကြောင်း အလုပ်အကိုင်တွေ ဖန်တီးပေးနိုင်တဲ့အခါ နိုင်ငံခြားအိမ်အကူအလုပ်ကို လုံးဝဥဿုံပိတ်ပြစ်ပါ၊ တားဆီးပါ။ အခုတော့ အခြေအနေအချိန်အခါကို ကြည့်ပြီး ပြည်သူတွေ ထမင်းဝနိုင်မယ့် အခြေအနေကို ဖန်တီးစေချင်ပါတယ်။

(ဆက်ရန်)

Credit- SG Helper ရင်ဖွင့်ရာ Admin Team