ရေနံချောင်းဆရာမတဦးနဲ့တဒင်္ဂတွေ့ဆုံခြင်း (ပညာရေး ၂၀၁၇)

ရေနံချောင်းဆရာမတဦးနဲ့တဒင်္ဂတွေ့ဆုံခြင်း
ဗိုလ်ချုပ်အောင်ဆန်း ငယ်စဉ်အထက်တန်းကျောင်း တက်ခဲ့တဲ့ ရေနံချောင်းမြို့ဟာ မြန်မာ့သမိုင်းမှာ နာမည်ကြီးပါတယ်။ သခင်ဘိုးလှကြီး ရေနံမြေသပိတ်ပြီးတော့ လွတ်လပ်ရေးလှုပ်ရှားမှုမှာ ကျဆုံးခဲ့တဲ့ ဗိုလ်ချုပ်အောင်ဆန်းနဲ့သူ့အစ်ကို ဦးဘဝင်းတို့ နိုင်ငံရေးဇာတိမြို့ဖြစ်ပါတယ်။
.
သူကတော့ ပညာရေးမှာ အကျမရှိ ၁၀တန်းအထိ ပညာရေးကို မနှစ်သက်ပါဘူး။ ကျောင်းသားများက စာမကြည့်လဲ အောင်မှာသိနေတဲ့အတွက် ပိုပြီး ညံ့လာနိုင်ကြောင်း၊ ၁၀တန်းအဆင့်ဆိုပေမဲ့ ၆တန်းအဆင့်ပဲရှိတယ်ဆိုတာ လက်ခံကြောင်း၊ ကျောင်းမှာ အချိန်ကုန်အောင် စာချပေး လိုက်ရေးစေခြင်းများက အခုလက်ရှိ မြန်မာနိုင်ငံကျောင်းတွေမှာ အကောင်းဆုံးဖြစ်နေကြောင်း၊ ဒါမှ ကလေးတွေ ကျောင်းမှာ အချိန်ကုန်သွားစေမဲ့အကြောင်း၊ တတ်အောင်သင်ပေးမဲ့ ဆရာထက် ..ကလေးတွေကို စာရိတ္တမြင့်မားစေရေး၊ စာမေးပွဲအောင်ရေးတွေကို မိဘတွေက ဦးစားပေးနေဆဲဖြစ်ကြောင်း ပြောပါတယ်။
.
ရိုက်ပြီး စာသင်ခြင်းကိုလဲ .. မရိုက်ရင် မလေးစားကြောင်း၊ မိမိအတန်းမှာ ကျောင်းသာ ၆၅ယောက် ရှိတော့ အားလုံးကို ဂရုမစိုက်နိုင်ကြောင်း၊ ဧရာဝတီတိုင်း ပုသိမ်မြို့က ကျောင်းတခုမှာ ၈တန်းကျောင်းသား ၁၅ဦးပဲ ရှိတယ်ဆိုတော့ ဒီလိုကျောင်းလေးတွေမှာ ဂရုပိုစိုက်နိုင်မှာဖြစ်ကြောင်း။ မိမိအတန်းကို ကျောင်းအပ်ချင်တဲ့ မိဘတွေ များစွာရှိကြောင်း၊ မိမိက ကျောင်းသားများကို မေတ္တာနဲ့ ဆူပူပြောဆိုတတ်ပေမဲ့ မေတ္တာနဲ့စာသင်ပေးကြောင်း၊ အတန်းထဲမှာ စာတော်တဲ့ကျောင်းသားကိုပဲ ဆရာမ များက နှစ်သက်ပေမဲ့ ပိုက်ဆံချမ်းသာတဲ့ ကျောင်းသားများစွာလည်း ကျမအတန်းကို ဝင်ခွင့်ရဖို့ နည်းမျိုးစုံနဲ့ ရောက်လာလို့ ကျောင်းသားများနေခြင်း ဖြစ်ကြောင်း။ ကျောင်းအုပ်ဆရာကြီးကလည်း မလွန်ဆန်နိုင်တဲ့အကြောင်းများကြောင့်ျမအခန်းမှာ ကျောင်းသားထည့်ပေးရင်.. မိဘတွေကို .. ကျမ ရိုက်တဲ့အကြောင်း၊ ရိုက်နှက်စာသင်တတ်ကြောင်းကို ပြောပြီးမှာ လက်ခံကြောင်း ပြောပါတယ်။

အရင်လို အမှတ်ပေးစနစ်မဟုတ်တော့ပဲ Grade A, B, C, D ပြောင်းလိုက်ခြင်းက ကျောင်းသားတွေ စာသိပ်မကြိုးစားတော့ဘူး ဖြစ်လာကြောင်း။

အချိန်ပိုသင်လို့ ကျောင်းဆရာမတွေ စိတ်ပျက်တာလည်း သဘာဝကျကြောင်း၊ ကျမက သင်နိုင်တယ်၊ သင်ချင်တယ် ဆိုပေမဲ့ ကျန်တဲ့ ဆရာမတွေက .."ရှင်ကတော့ စားဝတ်နေရေး မကြောင့်မကျ နေနိုင်တယ်။ မိသားစုမရှိ တကိုယ်တည်းသမား ဆိုတော့ ..သင်နိုင်မျာပေါ့ " ..လို့ ပြောကြပါတယ်။ ဒါလည်း တဖက်ကကြည့်ရင် ဟုတ်ပါတယ်။ ကျောင်းဆရာမတွေလဲ မိမိတိုက ပိုက်ဆံရမဲ့ အပြင်ဝိုင်း စာသင်ရရင်တော့ သင်ချင်ကြမှာဖြစ်ပေမဲ့ ..လခထက်ပိုမရတဲ့ အချိန်ပိုသင်ခြင်းကို မနှစ်သက်တာ သဘာဝကျကြောင်း ပြောပါတယ်။ (ဆရာမအတွက် အချိန်ပိုကြေး အနည်းငယ် ကျောင်းသားများ ပေးကြပါသည်။ တလ ၅သောင်းလောက်ရလဲ မဆိုးလှပါ)။
.
စာညံ့တာထက် ဆရာမတွေကို ကလန်ကဆန်၊ အတန်းထဲမှာ ငါခုံးမလို ပုပ်စေမဲ့ ကျောင်းသားကိုတော့ ထုတ်ပယ်ပစ်လိုက်ချင်ပါတယ်။ ဒါပေမဲ့ အခု မြန်မာပညာရေးစနစ်က ကျောင်းသား ကျောင်းမလာတော့ပဲ ကျောင်းထွက်မယ်ဆိုရင် ဆရာတွေ Report လုပ်ရတော့ ကျောင်းမထွက်သွားအောင် လုပ်ရပြန်ပါတယ်။ စာသင်အရွယ်မှာ ကျောင်းမှာပဲ နေစေတဲ့ ခေတ်သစ်ပညာရေးစနစ်သစ်ဖြစ်ပေမဲ့ ကျင့်သုံးဖို့ ခက်ခဲနေဆဲပါ။
.
ကျောင်းသားကို ဒေါသမထိန်းနိုင်ပဲ ရိုက်နှက်လို့ ဖေ့ဘုတ်မှာ တင်ခံလိုက်ရမှာ ဆရာမတွေ အကြောက်ဆုံးဖြစ်နေပါတယ်။ ပိုက်ဆံရှိမိဘများ၊ မီဒိယာသမားမီဘများက လုပ်တတ်ပါတယ်။ တချို့ဆို ရိုက်နှက်ပြီးချိန်မှ ဖေ့ဘုတ်ပေါ် မိဘများက တင်လိုက်ချိန်မျာတော့.. ကန့်တော့ပွဲနဲ့ သွားတောင်းပန်ဖို့ အသင့်ပြင်ထားတဲ့ ဆရာမတွေ ရှိပါတယ်။ မြန်မာတွေက တောင်းပန်လိုက်ရင် ကြေအေးလေ့ ရှိတဲ့ သဘာဝရှိပါတယ်။ ကျမတော့ ရိုက်ပေမဲ့ တိုင်ခံရတာ၊ ဖေ့ဘုတ်တင်ခံရတာ မရှိပါဘူး။ မြန်မာနိုင်ငံကတော့ ရိုက်နှက် သင်စနစ် လိုအပ်နေဆဲ ဖြစ်ကြောင်း ပြောပြသွားပါတယ်။
.
.
မိမိအတွက် သင်ခန်းစာများ
.
မရိုက်မနှက်ပဲ သင်ကြားခြင်းက ကမ္ဘာထိတ်တန်း အမေရိကန်နိုင်ငံမှာ ကျင့်သုံးနိုင်ပေမဲ့ စင်ကာပူကျောင်းများကတော့ ရိုက်နှက်သင်နေဆဲ ဖြစ်ပါတယ်။ ဒေါသမပါတဲ့ အပြစ်ပေးခြင်းနဲ့ ကျောင်းသားရဲ့ စာရိတ္တပညာရေး ဖြစ်ပါတယ်။ စင်ကာပူနိုင်ငံကတော့ စာရိတ္တကို ဦးစားပေးပြီး တတ်မြောက်ရေးကိုလည်း အရေးထားပါတယ်။ စင်ကာပူမှာ အအောင်မနေရ ၁၀တန်းအထိ ကျင့်သုံးခြင်းက သူတို့ကျောင်းဆရာမတွေ လစာကောင်းပါတယ်။ စားဝတ်နေရေး ဖူလှုံပါတယ်။ Grade A, B, C, D သင်ကြားခြင်းကလည်း အဆင့်၁၊ ၂၊ ၃ ထိပ်တန်းရဖို့ မတရားပြိုင်ဆိုင်မှုကို နည်းပါးစေလို့ဖြစ်ပါတယ်။ ဒါပေမဲ့ စင်ကာပူမှာလဲ ကလေး ကျူရှင်ပြခြင်းက အလွန်ကောင်းတဲ့ စီးပွားရေးလုပ်ငန်း ဖြစ်နေဆဲပါပဲ။ ကျူရှင် ကတော့ အမေရိကန် အထက်တန်းကျောင်းတွေမှာ နည်းပါးပေမဲ့ အာရှတိုက် စင်ကာပူပညာရေးမှာတော့ ကလေး အမှတ်ကောင်းအောင် ကျူရှင်စနစ် အားကောင်းနေပါတယ်။ မိဘတိုင်းက မိမိကလေးကို Grade A ရစေချင်တာ သဘာဝပါ။ ပြိးတော့ ၈တန်း၊ ၁၀တန်း Grade ကောင်းမှ လိုင်းကောင်း ဆရာဝန်၊ အင်ဂျင်နီယာ တက္ကသိုလ်ကောင်းကောင်း တက်ရမယ်ဆိုတော့ ကျူရှင်အားကိုး ကြိုးစား နေရတာပါပဲ။
.
စင်ကာပူပညာရေးရဲ့ အဓိကအချက်က စာရိတ္တပညာဖြစ်လို့ အချိန်ပိုစာသင်ခြင်းလို အဓိပ္ပါယ်မရှိတဲ့ ဆရာများ အချိန်ဖြုန်းခြင်း မရှိပါဘူး။ ကျောင်းစာသင်ချိန်အတွင်းမှာ Effective Teaching ထိရောက်စွာ သင်ကြားကြပါတယ်။ ကျောင်းသားများကလည်း မြန်မာပြည်က ကျောင်းသားများလို (ခပ်ရှင်းရှင်းပြောရရင်) မပျင်းယိကြပါဘူး။ မနာခံခြင်းကတော့ ကလေးသဘာဝ ရှိပေမဲ့ .. သူတို့စိတ်ဝင်စားစေတဲ့ CCA ဆိုတဲ့ ဘာသာရပ်တခုနဲ့ ထိန်းထားပါတယ်။ ကျောင်းသားတိုင်း CCA ကျောင်းပြင်ပ တဘာသာကို မယူမနေရ ယူရပါတယ်။ စာကြည့်တိုက်၊ ကြက်ခြေနီ၊ ကင်းထောက်၊ ဘရောင်နင်၊ အားကစား (ဘောလုံး၊ ဘောလီဘော၊ ကြက်တောင်၊ ဘတ်စကက်ဘော၊ ပြေခုန်ပစ်) စတဲ့ ဘာသာရပ်တွေနဲ့ တရုန်းရုန်း စာသင်ချိန်အတွင်း နဲ့ စာသင်ချိန်ပြင်ပတွေမှာ အချိန်တွေ ဖြုန်းခိုင်းနေခြင်းက တိုးတက်တဲ့ နိုင်ငံများရဲ့ အားသာချက်ဖြစ်ပါတယ်။
.
.
မိမိ တူတော်မောင် (မိဘမဲ့ကလေး)
.
လက်ရှိ မိမိအိမ်က တူတော်မောင်ကတော့ ၈တန်းစာမေးပွဲ ပြီးသွားပါပီ။ ဒီသူငယ်ကို သင်ကြားပေးခြင်းအားဖြင့် အလွန်ညံ့ဖျင်းရခြင်း အကြောင်းရင်းကို လေ့လာဆန်းစစ်ပါတယ်။ ငယ်စဉ်ကတည်းက မိဘများ စာသင်ပေးရာမှာ ဆရာကိုရိုသေလေးစားတဲ့ ကျောင်းသားအားလုံး စာတော်တဲ့အဆင့်မှာ ရှိပါတယ်။ အလွန်ညံ့တဲ့ ကျောင်းသားများ မိမိရဲ့ တူဖြစ်သူအပါဝင် အဓိကအချက် ၂ချက်ရှိပါတယ်။ ၁။ ဥာဏ်ရည်နှိမ့်ခြင်း၊ ၂။ စိတ်မပါခြင်း တို့ဖြစ်ပါတယ်။ ဥာဏ်ရည်နှိမ့်သူကိုလည်း ငယ်စဉ်ကတည်းက စာရိတ္တပညာ (ဘာသာတရားရဲ့ဆုံးမမှု) ရှိနေရင် ဒီကလေးအဖို့ ၁၀တန်းအောင်၊ ဘွဲ့ရ ဖြစ်သွားမှာပါပဲ။ ဒါပေမဲ့ ..ဆင်းရဲမွဲတေတဲ့ မြန်မာနိုင်ငံမှာ ကလေးအလုပ်သမားဘဝကိုပဲ ရောက်သွားကြတာ များပါတယ်။ အထူးသဖြင့် ကျေးလက်တောများက မိဘများက ကလေးအကြီး ၁၀နှစ်မပြည့်ခင်တောင် မြို့ပေါ်က စားသောက်ဆိုင်များမှာ တလ၃သောင်းနဲ့ အလုပ်ခိုင်းစားနေတာ ဝမ်းနည်းစရာဖြစ်ပါတယ်။ စိတ်မပါခြင်းကတော့ ဘယ်ကလေးမှာ စာသင်ရမှာ စိတ်ပါတာမရှိပါဘူး။ အလေ့အကျင့်လုပ်ပေးခြင်းနဲ့ စိတ်မပါပဲ တက်ရမှာပါပဲ။ မိမိ တူတော်မောင်ကို ကားဝပ်လျှော့၊ သို့မဟုတ် တိုင်းရင်းသားလက်နက်ကိုင်တပ် စာသင်ကျောင်းတွေကို ပို့ဖို့၊ မြို့ပေါ်က မိဘမဲ့ကျောင်းကို ပို့ဖို့ စဉ်းစားတိုင်း .. ဒီ အရွယ်က ဆေးလိပ်၊ အရက် စမ်းနေတယ်။ ရီးစားထားချင်တယ်၊ ပျက်စီးဖို့အလွယ်လေးပါပဲ။ စာသင်မဲ့အရွယ်ပဲ၊ ကျောင်းပဲ ထားရမယ်။ ကျောင်းထားရင်း ဘာသာရေးအဆုံးအမနဲ့ ဘုရားတရားပညာသင်ပေးရမယ် လို့ ဆုံးဖြတ်ပါတယ်။ ဒါကြောင့် ၁၀တန်းအထိ အကျရှုံးမရှိ ပညာရေးကို ထောက်ခံပါတယ်။ ၁၀တန်းမှာ ၂၀% ပဲအောင်ကြတယ်။ ၈၀%ကတော့ ကျရှုံးတယ်။ စင်ကာပူမှာတော့ ၁၀တန်းလဲ မအောင်မရှိပါဘူး။ အောင်တယ်။ ဒီဂရီ ဘွဲ့ရအောင် တက္ကသိုလ်ကောလိပ် ဆက်မတက်နိုင်ပဲ သက်မွေးပညာကို ITE, Poly သွားရတယ်။ အားလုံး အောင်တဲ့ စင်ကာပူပညာရေးပါ။ မြန်မာပြည်နဲ့ ကိုက်အောင် မြန်မာစရိုက်နဲ့ သင်ကြားရမှာပါပဲ။
.
ရန်ကုန်မြို့ အစိုးရကျောင်းကြီးများ၊ ပုဂ္ဂလိကကျောင်းများ စင်ကာပူနဲ့နိုင်ငံခြားကျောင်းများမှာ ပညာသင်ခွင့်ရတဲ့ ကျောင်းသားများကတော့ ကုသိုလ်ကောင်းပါတယ်။ ကလေး တဝက်ကျော်က အခြေခံပညာကို ၈တန်းတောင် မသင်ကြားရတဲ့ ပညာရေးစနစ်ကို ပြောင်းလဲဖို့ကတော့ ဆရာများအတွက် စားဝတ်နေရေးကို အစိုးရက ဘယ်လိုဖြေရှင်းမလဲ .. အခြေခံဆရာ၎သိန်းကျော်ကို ..ဘယ်လိုပံ့ပိုးမလဲ.. ဆိုတဲ့ ပညာရေးပေါ်လစီပဲဖြစ်ပါတယ်။
.
.
အမ်အီးစီအဖွဲ့က NESP (ပေါ်လစီပံ့ပိုးရေးအဖွဲ့)

မြန်မာပြည်က CSO အဖွဲ့တင်ပြချက်များအရ ဖိုင်နယ်မူကြမ်းကို ၂၀၁၅ ဒီဇင်ဘာမှာ ပြီးစီးတယ်လို့ ရေးထားပါတယ်။ ဒေါ်အောင်ဆန်းစုကြည် နှစ်သက်ပုံရပေမဲ့ ပညာရေးဝန်ကြီးဌာနဝက်ဆိုဒ်ကတော့ အစိုးရဟောင်းများရဲ့ လက်ထဲမှာပဲ ရှိပုံရပါတယ်။ ဝက်ဆိုဒ်မှာဝင်ကြည့်တော့ ...မြန်မာ့ပညာရေးမြှင့်တင်မှုလက်တွဲဆောင်ရွက်ရေးအဖွဲ့ MEC Team ရဲ့ အဖွဲ့ဝင်ဓါတ်ပုံများ၊ Donors အလှုရှင်များ၊ Partners ပါတနာများကို ပွင့်လင်းမြင်သာစွာ ဖော်ပြထားပါတယ်။ အဖွဲ့ရဲ့ ထိပ်ဆုံး ၃ဦးကတော့ နိုင်ငံခြားသားများဖြစ်နေပြီး CSO ရဲ့ ခေါင်းဆောင်ပိုင်းကတော့ ဘယ်မှာရှာကြည့်ရမလဲ မသိပါ။ MEC publication website မှာလဲ NESP final draft ကိုဒေါင်းလုပ်ဖို့ မတွေ့ပါ။ ဧရာမအဖွဲ့အစည်းကြီးဖြစ်တဲ့အတွက် မြန်မာပညာရေး စိတ်ဝင်စားသူများ၊ ပညာရှင်များ၊ ပညာရေးဝန်ထမ်းများအားလုံး မင်ဘာဝင်ပြီး ပါဝင်ဆွေးနွေးနိုင်ပါတယ်။ ၂၂၆ ဦးဝိစာရလမ်း ရန်ကုန်၊ 01375739 ext 516, 01375479 ext 516 01375791 ext 516, email info@myanmareducationconsortium.org
.
.

နိဂုံး ...

ဒါကြောင့် စာရိတ္တပညာသာလျှင် အကောင်းဆုံး ဖြစ်ပါတယ်။ ဘုန်းကြီးကျောင်းများ၊ ခရစ်ယန်ဘုရားကျောင်းများ၊ ကို အများကြီး ကျေးဇူးတင်ပြီး အစိုးရအပြင်၊ ပုဂ္ဂလိက တဦးချင်းကပါ ပံ့ပိုးရမှာ ဖြစ်ကြောင်း သင်ခန်းစာတခု ရပါတယ်။
.
ရန်ကုန်ဆေးရုံကြီးမှာ ဆရာမကြီးရဲ့ မိခင်ကြီးအသက်၈၅နှစ်အရွယ်မှာ အရေးပေါ်ဆေးရုံတင်ချိန် ကြည့်ရှုပြုစုတုန်း မေးမြန်းခြင်းဖြစ်ပါတယ်။
.
ဇော်အောင်
၆-မတ်-၂၀၁၇